کراچی اور سندھ کے دیگر اضلاع میں کل ہلکی سے درمیانی شدت کی بارش اور گرج چمک متوقع ہے، محکمہ موسمیات نے وارننگ جاری کر دی ہے۔

ویدر ڈپارٹمنٹ کے مطابق یہ موسم ایک مغربی ہوا کے سلسلے کی وجہ سے پیدا ہو رہا ہے، جس کا اثر پورے صوبے پر پڑے گا۔ شہریوں اور کسانوں کو محتاط رہنے کی ہدایت کی گئی ہے۔

محکمہ موسمیات کی تین روزہ موسمی رپورٹ کے مطابق کراچی میں آج زیادہ سے زیادہ درجہ حرارت 32 سے 34 ڈگری سینٹی گریڈ اور کم سے کم 24 ڈگری سینٹی گریڈ رہے گا۔ دن کے دوران نمی 76 فیصد تک جائے گی اور شام تک 45 سے 55 فیصد رہنے کا امکان ہے۔ شمال مغربی ہوا کل مغرب یا جنوب مغرب کی طرف مڑنے کا امکان ہے۔

کل کے دن کراچی میں جزوی طور پر ابر آلود موسم متوقع ہے اور بعض جگہوں پر تیز ہوا کے ساتھ گرج چمک یا بارش ہو سکتی ہے۔ زیادہ سے زیادہ درجہ حرارت 31 سے 33 ڈگری سینٹی گریڈ اور کم سے کم 22 سے 24 ڈگری سینٹی گریڈ رہنے کی پیش گوئی ہے۔ دن کے دوران نمی 75 سے 85 فیصد جبکہ شام میں 55 سے 65 فیصد رہنے کی توقع ہے۔

سندھ کے دیگر اضلاع جیسے جامشورو، دادو، قمبر شہدادکوٹ، جیکب آباد، شکارپور، کشمور، سکھر، گھوٹکی، بدین، عمرکوٹ اور تھرپارکر میں بھی کل بارش یا تیز ہوا کے امکان ہیں۔

یاد رہے کہ گزشتہ ہفتے کراچی میں گرج چمک کے طوفان سے 20 افراد ہلاک اور 8 زخمی ہوئے تھے، جس کے بعد محکمہ موسمیات نے شہریوں اور کسانوں کے لیے حفاظتی اقدامات پر زور دیا ہے۔