وزیر داخلہ محسن نقوی منگل کی شام تہران پہنچ گئے، جہاں پاکستان کی جانب سے امریکا ایران کشیدگی کم کرنے کیلئے سفارتی کوششوں کو آگے بڑھانے پر اہم ملاقاتیں متوقع ہیں۔ محسن نقوی ایران دورہ خطے میں جاری سفارتی سرگرمیوں کے تناظر میں اہم قرار دیا جارہا ہے۔
محسن نقوی کا دورہ ایران ایسے وقت میں ہورہا ہے جب ایک روز قبل وزیر خارجہ اسحاق ڈار نے اپنے ایرانی ہم منصب عباس عراقی سے ٹیلی فون پر گفتگو کی تھی۔ دونوں رہنماؤں نے علاقائی سیکیورٹی صورتحال اور حالیہ مکہ جوائنٹ ڈیفنس معاہدے پر تبادلہ خیال کیا۔
تہران میں قیام کے دوران محسن نقوی کی ایرانی اعلیٰ حکام سے ملاقاتیں متوقع ہیں۔ ان ملاقاتوں میں علاقائی کشیدگی اور امریکا و ایران کے درمیان اختلافات کے پُرامن حل کیلئے سفارتی راستوں پر گفتگو ہونے کا امکان ہے۔
محسن نقوی ایران دورہ ایسے وقت میں ہورہا ہے جب خطے میں کشیدگی کم کرنے اور واشنگٹن و تہران کے درمیان مذاکرات کیلئے راستہ تلاش کرنے کی سفارتی کوششیں جاری ہیں۔ پاکستان دونوں فریقوں کے ساتھ رابطوں کے ذریعے اپنا سفارتی کردار برقرار رکھے ہوئے ہے۔
دوسری جانب وزیر دفاع نے بھی کہا ہے کہ امریکا اور ایران کسی ممکنہ معاہدے یا سمجھوتے کے قریب پہنچ سکتے ہیں۔ رائٹرز کے مطابق انہوں نے بلومبرگ کو بتایا کہ گزشتہ چند دنوں کے اشارے ممکنہ امن معاہدے کی جانب پیش رفت ظاہر کرتے ہیں۔
اس سے قبل امریکا اور ایران کے درمیان باضابطہ مذاکرات تعطل کا شکار ہوگئے تھے۔ ایرانی نائب وزیر خارجہ کاظم غریب آبادی نے کہا تھا کہ مذاکرات اس وقت تہران کی ترجیح نہیں اور ایران کو پہلے اپنے داخلی معاملات پر توجہ دینا ہوگی۔
امریکا ایران مذاکرات کا پہلا دور اپریل میں اسلام آباد میں ہوا تھا، جسے ’’اسلام آباد مذاکرات‘‘ کہا گیا۔ اگرچہ فریقین کسی حتمی معاہدے تک نہیں پہنچ سکے، تاہم محسن نقوی ایران دورہ پاکستان کی جانب سے سفارتی رابطوں اور پُرامن حل کی کوششیں جاری رکھنے کی عکاسی کرتا ہے۔
