پاکستان میں جیٹ فیول، لائٹ ڈیزل آئل اور مٹی کے تیل کی قیمتوں میں اضافہ کردیا گیا ہے، جس کا اطلاق آج سے ہوگیا ہے۔

نئی قیمتوں کے مطابق جیٹ فیول 4 روپے 96 پیسے فی لیٹر مہنگا کردیا گیا ہے، جس کے بعد اس کی قیمت 357 روپے 37 پیسے فی لیٹر ہوگئی ہے۔ اس سے قبل جیٹ فیول 352 روپے 41 پیسے فی لیٹر میں دستیاب تھا۔

لائٹ ڈیزل آئل کی قیمت میں بھی 7 روپے 78 پیسے فی لیٹر اضافہ کیا گیا ہے۔ اضافے کے بعد اس کی نئی قیمت 275 روپے 24 پیسے فی لیٹر مقرر ہوگئی ہے۔

اسی طرح مٹی کا تیل 4 روپے 21 پیسے فی لیٹر مہنگا ہوگیا ہے، جس کے بعد اس کی نئی قیمت 330 روپے 96 پیسے فی لیٹر ہوگئی ہے۔

دوسری جانب 24 اکتوبر سے 26 اکتوبر تک پیٹرول کی قیمت 377 روپے 71 پیسے فی لیٹر برقرار رکھی گئی ہے۔

اس دوران ہائی اسپیڈ ڈیزل کی قیمت میں ایک روپے 91 پیسے فی لیٹر اضافہ ہوا، جس کے بعد نئی قیمت 393 روپے 66 پیسے فی لیٹر ہوگئی ہے۔

پیٹرولیم مصنوعات کی قیمتوں میں ان تبدیلیوں سے ہوابازی، نقل و حمل اور دیگر شعبوں کے اخراجات متاثر ہوسکتے ہیں۔