آصف زرداری محسن نقوی ملاقات

نواب شاہ میں آصف زرداری اور محسن نقوی کی اہم ملاقات

نواب شاہ: صدر مملکت آصف علی زرداری اور وفاقی وزیر داخلہ محسن نقوی کے درمیان نواب شاہ میں اہم ملاقات ہوئی، جس میں ملکی سیاسی صورتحال، قومی سلامتی اور پاکستان میں نئے صوبوں کے قیام سے متعلق امور پر تبادلہ خیال کیا گیا۔

صدر مملکت اور وزیر داخلہ کے درمیان ہونے والی یہ ملاقات تقریباً ایک گھنٹے تک جاری رہی۔ اس دوران دونوں رہنماؤں نے ملک کو درپیش سیاسی چیلنجز اور اہم قومی معاملات پر اپنے خیالات کا اظہار کیا۔

ملاقات میں ملکی سکیورٹی صورتحال کے علاوہ سیاسی معاملات اور نئے صوبوں کے قیام سے متعلق تجاویز بھی زیر بحث آئیں۔ اس حوالے سے سیاسی مشاورت اور مستقبل کے ممکنہ اقدامات پر بھی گفتگو کی گئی۔

یہ ملاقات ایک ایسے وقت میں ہوئی ہے جب وزیر داخلہ محسن نقوی نے گزشتہ روز میڈیا سے گفتگو کرتے ہوئے ملک میں نئے صوبوں کے قیام کے حوالے سے اہم بیان دیا تھا۔

محسن نقوی کا کہنا تھا کہ اس معاملے پر ریفرنڈم کرایا جا سکتا ہے اور اگر عوام نئے صوبوں کے قیام کے حق میں فیصلہ دیں تو اس پر پیش رفت کی جا سکتی ہے۔ ان کے بیان کے بعد ملک میں نئے صوبوں کے قیام سے متعلق بحث ایک مرتبہ پھر موضوع گفتگو بن گئی ہے۔

وزیر داخلہ نے ملک میں سیاسی ری سیٹ کے معاملے پر بھی اظہار خیال کیا تھا۔ ان کا کہنا تھا کہ وہ اور چیئرمین پاکستان پیپلز پارٹی بلاول بھٹو زرداری اس معاملے پر ایک پیج پر ہیں۔ انہوں نے واضح کیا کہ تمام سیاسی جماعتیں اہمیت رکھتی ہیں اور کوئی بھی فیصلہ اختلافات پیدا کرکے نہیں کیا جائے گا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

نمایاں زمرے

تازہ ترین