برطانیہ کے بادشاہ کنگ چارلس نے امریکی کانگریس سے اہم خطاب کرتے ہوئے کہا ہے کہ ایران سے متعلق جاری کشیدگی اور عالمی بحران کے باوجود امریکا اور برطانیہ ہمیشہ مضبوط اتحادی رہیں گے۔
کنگ چارلس امریکی کانگریس خطاب کے دوران انہوں نے کہا کہ اختلافات کے باوجود دونوں ممالک جمہوریت کے تحفظ اور عوام کی سلامتی کے لیے ایک ساتھ کھڑے ہیں۔ ان کی آمد پر اراکین کانگریس نے کھڑے ہو کر ان کا استقبال کیا۔
اپنے خطاب میں کنگ چارلس نے یورپ اور مشرق وسطیٰ میں جاری تنازعات کا ذکر کرتے ہوئے عالمی عدم استحکام پر تشویش کا اظہار کیا۔ تاہم انہوں نے براہ راست سیاسی مؤقف اختیار کرنے سے گریز کیا۔
یہ خطاب ایسے وقت میں ہوا جب امریکا اور اس کے اتحادیوں کے درمیان ایران جنگ کے حوالے سے اختلافات سامنے آ رہے ہیں۔ امریکی صدر ڈونلڈ ٹرمپ نے نیٹو اور بعض اتحادی ممالک کے کردار پر بھی تنقید کی ہے۔
کنگ چارلس نے اپنی تقریر میں تاریخی شراکت داری کا ذکر کرتے ہوئے کہا کہ دونوں ممالک نے عالمی جنگوں، سرد جنگ اور افغانستان جیسے اہم مواقع پر مل کر کام کیا ہے اور آج بھی یہی اتحاد ضروری ہے۔
کنگ چارلس امریکی کانگریس خطاب میں انہوں نے اس بات پر زور دیا کہ دنیا کو تنہائی کی طرف جانے کے بجائے عالمی تعاون کو فروغ دینا چاہیے تاکہ امن و استحکام قائم رکھا جا سکے۔
خطاب کے بعد وائٹ ہاؤس میں ہونے والی تقریب میں امریکی صدر نے ایران سے متعلق بات کی، تاہم کنگ چارلس نے اس پر کوئی تبصرہ نہیں کیا اور اپنی آئینی غیر جانبداری برقرار رکھی۔
کنگ چارلس نے ماحولیات کے تحفظ پر بھی زور دیا اور کہا کہ انسانیت کو قدرتی وسائل کی حفاظت کرنی چاہیے تاکہ آنے والی نسلوں کے لیے ایک محفوظ دنیا یقینی بنائی جا سکے۔