پاکستان کرکٹ بورڈ نے پاکستان آسٹریلیا ون ڈے سیریز 2026 کیلئے میچ آفیشلز کا باقاعدہ اعلان کر دیا ہے۔ تین ون ڈے میچز پر مشتمل یہ سیریز 30 مئی سے 4 جون تک راولپنڈی اور لاہور میں کھیلی جائے گی، جس کا شائقین کرکٹ کو بے حد انتظار ہے۔
سری لنکا کے تجربہ کار گریم لا بروئے تینوں ون ڈے میچز میں میچ ریفری کے فرائض انجام دیں گے۔ وہ ماضی میں بھی کئی اہم بین الاقوامی سیریز اور آئی سی سی ایونٹس میں ذمہ داریاں نبھا چکے ہیں۔
آئی سی سی ایلیٹ پینل کے امپائر احسن رضا، رچرڈ کیٹلبرو اور کمار دھرماسینا کو سیریز کیلئے آن فیلڈ امپائر مقرر کیا گیا ہے۔ ان تجربہ کار آفیشلز کی شمولیت سے سیریز کے اعلیٰ معیار کی توقع کی جا رہی ہے۔
پہلا ون ڈے میچ 30 مئی کو راولپنڈی میں کھیلا جائے گا جہاں کمار دھرماسینا کے ساتھ آصف یعقوب آن فیلڈ امپائرنگ کریں گے۔ آصف یعقوب اس وقت آئی سی سی ایمرجنگ امپائرز پینل کا حصہ ہیں۔
دوسرا ون ڈے میچ 2 جون کو لاہور کے قذافی اسٹیڈیم میں ہوگا۔ اس میچ میں فیصل خان آفریدی اور رچرڈ کیٹلبرو آن فیلڈ امپائر ہوں گے۔ فیصل خان آفریدی آئی سی سی انٹرنیشنل پینل آف امپائرز کے رکن ہیں۔
سیریز کا تیسرا اور آخری ون ڈے 4 جون کو لاہور میں کھیلا جائے گا جہاں احسن رضا اور کمار دھرماسینا امپائرنگ کے فرائض انجام دیں گے جبکہ ناصر حسین فورتھ امپائر ہوں گے۔
ماہرین کے مطابق پاکستان آسٹریلیا ون ڈے سیریز 2026 آئندہ آئی سی سی ایونٹس سے قبل دونوں ٹیموں کیلئے اہم ثابت ہوگی اور شائقین کو سنسنی خیز مقابلے دیکھنے کو ملیں گے۔
