ایئر چیف مارشل Zaheer Ahmed Baber Sidhu نے ترکیہ کا دورہ کیا جہاں انہوں نے ترک فضائیہ کے سربراہ جنرل ضیا جمال کادی اوغلو سے ملاقات کی۔ ملاقات میں پاک ترک فضائی تعاون بڑھانے پر اتفاق کیا گیا۔

آئی ایس پی آر کے مطابق ترک فضائیہ کے ہیڈکوارٹرز آمد پر ایئر چیف کو گارڈ آف آنر پیش کیا گیا۔ ملاقات میں مشترکہ تربیتی پروگراموں اور فضائی مشقوں کے دائرہ کار کو بڑھانے پر تفصیلی گفتگو ہوئی۔

ترک فضائیہ کے سربراہ نے پاک فضائیہ کے پائلٹس کی تربیت میں کردار کو سراہا اور دونوں ممالک کے درمیان پیشہ ورانہ تعلقات کو مضبوط قرار دیا۔

پاک ترک فضائی تعاون کے تحت ایئر چیف نے ترک وزیر دفاع یشار گولر سے بھی ملاقات کی، جس میں دفاعی تعلقات اور اسٹریٹجک تعاون پر تبادلہ خیال کیا گیا۔

ایئر چیف نے بائیکار ٹیکنالوجیز کے سی ٹی او سلجوق بیرقدار سے بھی ملاقات کی جہاں بغیر پائلٹ فضائی نظام اور جدید دفاعی ٹیکنالوجی میں تعاون بڑھانے پر گفتگو ہوئی۔

دونوں ممالک نے اس بات پر زور دیا کہ ڈرون ٹیکنالوجی، ایرو اسپیس ترقی اور مشترکہ تربیت کے شعبوں میں تعاون مزید بڑھایا جائے گا۔

آئی ایس پی آر کے مطابق پاکستان اور ترکیہ نے دفاعی اور ایرو اسپیس تعاون کو مزید مضبوط بنانے کے عزم کا اعادہ کیا ہے، جو دونوں ممالک کے تاریخی تعلقات کی عکاسی کرتا ہے۔