محسن نقوی سعودی عرب دورہ کے سلسلے میں وفاقی وزیر داخلہ منگل کو ریاض پہنچ گئے، جہاں وہ سعودی حکام کے ساتھ داخلی سلامتی، انسداد منشیات اور ادارہ جاتی تعاون سمیت اہم امور پر بات چیت کریں گے۔ اس دورے کو دونوں برادر ممالک کے درمیان بڑھتے ہوئے دوطرفہ تعلقات کا اہم مرحلہ قرار دیا جا رہا ہے۔
ریاض کے کنگ خالد انٹرنیشنل ایئرپورٹ پر سعودی وزیر داخلہ شہزادہ عبدالعزیز بن سعود بن نائف نے محسن نقوی کا استقبال کیا۔ اعلیٰ سطح کے استقبال کو پاکستان اور سعودی عرب کے درمیان مضبوط سفارتی اور سکیورٹی تعلقات کی عکاسی قرار دیا جا رہا ہے۔
سرکاری معلومات کے مطابق دونوں ممالک کے وفود داخلی سلامتی کے شعبے میں تعاون، منشیات کی اسمگلنگ کی روک تھام، اور دونوں وزارت داخلہ کے درمیان ادارہ جاتی روابط کو مزید مستحکم بنانے کے مختلف پہلوؤں پر تبادلہ خیال کریں گے۔
محسن نقوی سعودی عرب دورہ ایسے وقت میں ہو رہا ہے جب پاکستان اور سعودی عرب سیاسی، معاشی، دفاعی اور سکیورٹی شعبوں میں اپنی دیرینہ شراکت داری کو مزید وسعت دے رہے ہیں۔ دونوں ممالک کے درمیان اعلیٰ سطح کے رابطے مسلسل جاری ہیں۔
ستمبر 2025 میں وزیراعظم شہباز شریف کے دورۂ ریاض کے دوران پاکستان اور سعودی عرب نے اسٹریٹجک باہمی دفاعی معاہدے پر دستخط کیے تھے، جس کے تحت دونوں ممالک نے دفاعی تعاون کو مزید مضبوط بنانے اور علاقائی سلامتی کے لیے مشترکہ اقدامات پر اتفاق کیا تھا۔
حالیہ مہینوں میں پاکستان نے دفاعی تعاون کے تحت سعودی عرب میں جنگی طیارے اور دیگر فوجی دستے بھیجے، جبکہ مئی میں اعلان کیا گیا کہ فیڈرل کانسٹیبلری کے اسپیشل ڈپلومیٹک پروٹیکشن یونٹ کے 200 اہلکار سعودی عرب میں خصوصی تربیت حاصل کریں گے۔
محسن نقوی سعودی عرب دورہ سے توقع کی جا رہی ہے کہ دونوں ممالک کے درمیان سکیورٹی تعاون مزید مضبوط ہوگا اور داخلی سلامتی، انسداد منشیات اور ادارہ جاتی روابط کے شعبوں میں نئی پیش رفت سامنے آئے گی، جس سے پاک سعودی تعلقات کو مزید استحکام ملے گا۔
