بھارت کے معروف ریپر اور گلوکار بادشاہ نے پہلی بیوی سے علیحدگی کے چھ سال بعد دوسری شادی کر لی۔ بھارتی میڈیا کے مطابق بادشاہ نے پہلی بیوی جیسمن مسیح سے طلاق کے بعد پنجابی اداکارہ ایشا ریکھی سے شادی کی۔

ایشا ریکھی کی والدہ پونم ریکھی نے انسٹاگرام پر تصاویر اور ویڈیوز شیئر کیں، جن میں جوڑا روایتی شادی کی رسومات ادا کرتا نظر آیا۔ بادشاہ نے سبز کُرتا اور سنہری پگڑی پہن رکھی تھی جبکہ ایشا سرخ عروسی لباس اور روایتی زیورات میں دِکھیں۔

انسٹاگرام پر مداحوں نے جوڑے کو مبارکباد دی اور نیک خواہشات کا اظہار کیا۔ شادی کی تصاویر اور ویڈیوز وائرل ہو گئی ہیں اور سوشل میڈیا پر مداحوں کی دلچسپی بڑھ گئی ہے۔

بادشاہ، جن کا اصل نام ادتیہ پرتیک سنگھ سسودیا ہے، نے 2020 میں جیسمن مسیح سے شادی کی تھی اور ان کی ایک بیٹی جیسیمی گریس مسیح سنگھ ہے، جو لندن میں مقیم ہے۔