لاہور میں اپنے ایک بیان میں مریم اورنگزیب بیان دیتے ہوئے کہا کہ وزیراعظم شہباز شریف اور فیلڈ مارشل عاصم منیر کی دوراندیش قیادت نے ایک ممکنہ تباہ کن جنگ کو ٹال دیا۔ ان کا کہنا تھا کہ یہ قیادت نہ صرف پاکستان بلکہ پوری دنیا کے لیے اہم ثابت ہوئی۔

انہوں نے کہا کہ دونوں رہنماؤں کو اللہ تعالیٰ نے عزت سے نوازا ہے اور ان کے بروقت فیصلوں نے ایک بڑے انسانی المیے کو روکنے میں کردار ادا کیا۔ ان کے مطابق یہ ایک ایسی مثال ہے جو اعلیٰ قیادت کی پہچان بن سکتی ہے۔

سینئر وزیر نے مزید کہا کہ اس حکمت عملی کے نتیجے میں لاکھوں معصوم جانیں محفوظ رہیں اور دنیا ایک بڑے بحران سے بچ گئی۔ یہ اقدام عالمی امن کے لیے بھی نہایت اہم پیش رفت قرار دیا جا رہا ہے۔

مریم اورنگزیب کے مطابق یہ لمحہ پاکستان کے لیے فخر کا باعث ہے، جہاں اتحاد، وقار اور قومی یکجہتی کا مظاہرہ دیکھنے میں آیا۔ ملک کے اندر اور بیرون ملک مقیم پاکستانیوں نے بھی اس پیش رفت کو سراہا۔

انہوں نے عالمی رہنماؤں، خصوصاً ٹرمپ اور ایرانی قیادت کو بھی سراہا کہ انہوں نے تصادم کے بجائے مذاکرات کا راستہ اپنایا، جو خطے میں پائیدار امن کی جانب ایک مثبت قدم ہے۔