پاکستان اور بحرین نے دوطرفہ تجارت کو ایک ارب ڈالر تک بڑھانے کے لیے مشترکہ کوششیں کرنے پر اتفاق کیا ہے۔ پاکستان بحرین تجارت کا یہ ہدف اسلام آباد میں دونوں ممالک کے مشترکہ وزارتی کمیشن کے تیسرے اجلاس کے دوران مقرر کیا گیا، جو پانچ سال کے وقفے کے بعد منعقد ہوا۔
نائب وزیراعظم اور وزیر خارجہ اسحاق ڈار اور بحرین کے وزیر خارجہ ڈاکٹر عبداللطیف بن راشد الزیانی نے اجلاس کی مشترکہ صدارت کی۔ بحرینی وزیر خارجہ دو روزہ سرکاری دورے پر پاکستان پہنچے تھے، جہاں انہوں نے اجلاس سے قبل اسحاق ڈار کے ساتھ دوطرفہ امور پر بھی بات چیت کی۔
اسحاق ڈار نے کہا کہ پاکستان اور بحرین کے سفارتی تعلقات کو 55 سال مکمل ہو چکے ہیں اور دونوں ممالک کے درمیان سفارتی روابط قائم ہونے کی سالگرہ 14 اکتوبر کو ہے۔ انہوں نے زور دیا کہ مشترکہ وزارتی کمیشن کے اجلاس باقاعدگی سے ہونے چاہئیں اور امید ظاہر کی کہ اگلا اجلاس ایک سال کے اندر منعقد ہوگا۔
مذاکرات میں معاشی تعاون کو خصوصی اہمیت دی گئی۔ اسحاق ڈار نے کہا کہ دونوں ممالک نے تین سال کے اندر دوطرفہ تجارت کا حجم دگنا کرکے ایک ارب ڈالر تک پہنچانے کا ہدف مقرر کیا ہے۔ انہوں نے تجارتی روابط بڑھانے کے لیے دونوں جانب سے مربوط کوششوں کی ضرورت پر زور دیا۔
Deputy Prime Minister/Foreign Minister Senator Mohammad Ishaq Dar @MIshaqDar50 co-chaired the 3rd Session of the Pakistan–Bahrain Joint Ministerial Commission with his Bahraini counterpart, H.E. Dr. Abdullatif bin Rashid Al Zayani, at the Ministry of Foreign Affairs today.
The two sides reviewed progress in bilateral cooperation and agreed to deepen collaboration in trade and investment, energy, agriculture and food security, information technology, health, education and labour. They also discussed measures to strengthen connectivity and promote people-to-people exchanges.
The DPM/FM underscored the importance of translating the longstanding and fraternal ties between Pakistan and Bahrain into tangible benefits for their people. He stressed effective implementation of the agreed outcomes through Joint Working Groups, institutional partnerships and regular follow-up.
The JMC was attended by high-level delegations from both sides. The Pakistani delegation included the Secretary of the Economic Affairs Division, the Acting Foreign Secretary, the Secretary SIFC and senior officials from relevant ministries and departments. Senior Bahraini officials and representatives of the Bahrain Chamber of Commerce and Industry also participated.
— Ministry of Foreign Affairs – Pakistan (@ForeignOfficePk) October 8, 2026
اجلاس میں تجارت، سرمایہ کاری، زراعت، صنعت اور بحری امور سمیت مختلف شعبوں میں تعاون پر بات ہوئی۔ بحرینی وزیر خارجہ نے بتایا کہ 15 سے زائد شعبوں میں تعاون پر تبادلہ خیال کیا گیا، جن میں تعلیم، ثقافت، میڈیا اور صحت بھی شامل ہیں۔ انہوں نے سرمایہ کاری اور ترقی کے شعبوں میں شراکت داری مزید مضبوط بنانے کی خواہش ظاہر کی۔
دونوں ممالک نے علاقائی سکیورٹی اور جاری بحرانوں کے دوران سفارتی کوششوں کی اہمیت پر بھی گفتگو کی۔ اسحاق ڈار نے باب المندب اور آبنائے ہرمز سمیت اہم بحری راستوں کی سکیورٹی کو عالمی تجارت اور توانائی کے لیے ضروری قرار دیا۔ بحرینی وزیر خارجہ نے سعودی شہروں اور شہری تنصیبات پر حملوں کی بھی مذمت کی۔
اجلاس کے اختتام پر پاکستان اور بحرین کے مشترکہ وزارتی کمیشن کے پروٹوکول پر دستخط کیے گئے۔ اسحاق ڈار نے اجلاس کو کامیاب قرار دیتے ہوئے بتایا کہ کمیشن کا اگلا اجلاس بحرین میں ہوگا۔ دونوں جانب سے عوامی سطح پر مضبوط روابط کو بھی اجاگر کیا گیا، جبکہ بحرین میں پاکستانی کمیونٹی کے کردار کو دوطرفہ تعلقات کے لیے اہم قرار دیا گیا۔
