ریاض: سعودی عرب نے خطے میں بڑھتی ہوئی کشیدگی پر تشویش کا اظہار کرتے ہوئے تمام فریقین سے تحمل اور بردباری کا مظاہرہ کرنے کی اپیل کی ہے۔
سعودی وزارت خارجہ کی جانب سے جاری بیان میں کہا گیا ہے کہ موجودہ صورتحال خطے کے امن اور استحکام کے لیے خطرہ بن سکتی ہے، اس لیے ضروری ہے کہ مزید اشتعال انگیزی سے گریز کیا جائے۔
بیان میں پاکستان کی سفارتی کوششوں اور ثالثی کے کردار کو سراہتے ہوئے کہا گیا کہ سیاسی حل کے لیے پاکستان کی کوششیں قابل حمایت ہیں، جو خطے کو مزید تنازعات سے بچانے میں مدد دے سکتی ہیں۔
سعودی حکام نے اس بات پر بھی زور دیا کہ کشیدگی میں اضافہ نہ صرف علاقائی بلکہ عالمی سطح پر سلامتی اور معاشی استحکام کے لیے نقصان دہ ثابت ہو سکتا ہے۔
#بيان | تعرب وزارة الخارجية عن قلق المملكة العربية السعودية إزاء التصعيد العسكري الحالي في المنطقة، وتدعو إلى ضرورة التهدئة وعدم التصعيد وضبط النفس، ودعم الوساطة الباكستانية والجهود الدبلوماسية للوصول إلى حل سياسي يجنب المنطقة من الانزلاق نحو المزيد من التوتر وزعزعة الأمن… pic.twitter.com/Gfdk1HoYLe
— وزارة الخارجية 🇸🇦 (@KSAMOFA) May 4, 2026
اس کے علاوہ سعودی عرب نے آبنائے ہرمز میں جہاز رانی کی بحالی کی اہمیت کو اجاگر کرتے ہوئے کہا کہ عالمی تجارت کے تسلسل کے لیے یہ انتہائی ضروری ہے۔
دوسری جانب سعودی ولی عہد محمد بن سلمان نے محمد بن زاید النہیان سے ٹیلی فونک رابطہ کیا اور متحدہ عرب امارات کو نشانہ بنانے والے حملوں کی مذمت کی۔ انہوں نے یو اے ای کی سلامتی کے لیے مکمل حمایت کا اعادہ بھی کیا۔
