ارجنٹینا کے معروف فٹبالر لوکاس تریخو پر مبینہ طور پر غم کا پہاڑ ٹوٹ پڑا ہے، کیونکہ حالیہ وینزویلا زلزلے میں ان کی اہلیہ اور دو بچوں کے جاں بحق ہونے کی اطلاعات سامنے آئی ہیں۔ اس افسوسناک خبر پر کھیلوں کی دنیا میں گہرے دکھ کا اظہار کیا جا رہا ہے۔
اطلاعات کے مطابق لوکاس تریخو کے کلب نے ایک بیان جاری کرتے ہوئے اس سانحے پر اظہارِ افسوس کیا اور فٹبالر کے ساتھ تعزیت کا اظہار کیا۔ مداحوں اور ساتھی کھلاڑیوں نے بھی ہمدردی اور دعاؤں کے پیغامات بھیجے۔
رپورٹس کے مطابق زلزلے کے وقت ان کی اہلیہ یانینا مارانیلا اور دونوں بچے آرون تریخو اور آئینہوا تریخو پلایا گراندے کے ساحلی علاقے میں موجود تھے، جہاں ان کی رہائشی عمارت منہدم ہو گئی۔
ابتدائی طور پر تینوں افراد لاپتہ قرار دیے گئے تھے، تاہم امدادی کارروائیوں کے بعد ریسکیو اہلکاروں نے ان کی ہلاکت کی تصدیق کی۔
ادھر لوکاس تریخو اس وقت دارالحکومت کراکاس میں اپنی ٹیم کے ساتھ آئندہ میچ کی تیاری کر رہے تھے۔ انہوں نے سوشل میڈیا پر اپنی اہلیہ اور بچوں کی سلامتی کے لیے دعا اور مدد کی اپیل بھی کی تھی۔
حالیہ زلزلوں نے وینزویلا کے مختلف علاقوں میں بڑے پیمانے پر تباہی مچائی ہے۔ متعدد عمارتیں منہدم ہوئیں جبکہ امدادی ادارے متاثرہ علاقوں میں امدادی کارروائیاں جاری رکھے ہوئے ہیں۔
