پاکستان میں بچوں میں ایچ آئی وی کے کیسز ایک سنگین صحت عامہ کے مسئلے کی شکل اختیار کر چکے ہیں، جہاں گزشتہ 15 ماہ کے دوران 2 ہزار سے زائد بچوں میں اس وائرس کی تشخیص ہوئی ہے۔
وفاقی وزارت صحت کے کامن مینجمنٹ یونٹ کے مطابق پاکستان میں بچوں میں ایچ آئی وی کے کیسز میں 1,274 لڑکے اور 834 لڑکیاں شامل ہیں، جو مختلف علاقوں میں تشویشناک صورتحال کو ظاہر کرتے ہیں۔
اعداد و شمار کے مطابق سندھ سب سے زیادہ متاثرہ صوبہ ہے جہاں 15 ماہ کے دوران 1,515 بچوں میں ایچ آئی وی کی تشخیص ہوئی، جن میں 2025 کے دوران 1,186 اور 2026 کے ابتدائی 3 ماہ میں 329 کیسز شامل ہیں۔
حکام کے مطابق پاکستان میں بچوں میں ایچ آئی وی کے کیسز صرف ایک صوبے تک محدود نہیں، کیونکہ پنجاب میں 418 کیسز رپورٹ ہوئے جو سندھ کے بعد دوسرے نمبر پر ہے۔
خیبر پختونخوا میں 111 بچوں میں ایچ آئی وی کی تشخیص ہوئی جن میں 2025 میں 90 اور 2026 کے ابتدائی مہینوں میں 21 کیسز شامل ہیں۔
اسی طرح بلوچستان میں 38 کیسز، جبکہ اسلام آباد میں 22 کیسز رپورٹ ہوئے۔
مزید برآں آزاد کشمیر میں 3 اور گلگت بلتستان میں 1 کیس رپورٹ ہوا۔ ماہرین کے مطابق اس صورتحال پر فوری توجہ کی ضرورت ہے تاکہ پاکستان میں بچوں میں ایچ آئی وی کے بڑھتے ہوئے کیسز کو روکا جا سکے۔
