سندھ کی بحالی فنڈنگ کے لیے ایک بڑی پیش رفت سامنے آئی ہے جب یورپی سرمایہ کاری بینک نے پاکستان کے لیے 160 ملین یورو کی مالی معاونت کا اعلان کیا ہے۔
یہ اعلان یورپی سرمایہ کاری بینک کی جانب سے یورپی یونین پاکستان بزنس فورم کے اختتام پر اسلام آباد میں کیا گیا۔
اس رقم میں سے 100 ملین یورو سندھ میں گھروں کی بحالی کے منصوبے کے لیے مختص کیے گئے ہیں، جس کا مقصد 2022 کے تباہ کن سیلاب میں متاثر ہونے والے تقریباً 21 لاکھ دیہی گھروں کی تعمیر نو ہے۔
سندھ کی بحالی فنڈنگ کا یہ منصوبہ دنیا کے بڑے بحالی پروگراموں میں شمار ہوتا ہے، جو صوبے کے دیہی علاقوں کے بڑے حصے کو دوبارہ آباد کرنے میں مدد دے گا۔
مزید 60 ملین یورو کراچی میں پانی کی فراہمی کے منصوبے کے لیے دیے جائیں گے، جس کے تحت جدید اور توانائی بچانے والے فلٹریشن پلانٹس قائم کیے جائیں گے۔
اس منصوبے کے مکمل ہونے پر کراچی کو روزانہ تقریباً 30 کروڑ لیٹر صاف پانی فراہم کیا جائے گا، جس سے لاکھوں شہریوں کو فائدہ ہوگا۔
یورپی یونین اور بینک حکام نے کہا ہے کہ یہ سرمایہ کاری پاکستان کی پائیدار ترقی اور موسمیاتی تبدیلی کے اثرات سے نمٹنے کے لیے ایک اہم قدم ہے۔
