پیوٹن چین دورہ کے دوران روسی صدر ولادیمیر پیوٹن 19 اور 20 مئی کو بیجنگ پہنچیں گے جہاں وہ چین کے صدر شی جن پنگ سے اعلیٰ سطحی مذاکرات کریں گے۔
کریملن کے مطابق اس ملاقات میں دونوں رہنما “جامع شراکت داری اور اسٹریٹجک تعاون” کو مزید مضبوط بنانے کے طریقوں پر تبادلہ خیال کریں گے۔
یہ دورہ ایسے وقت میں ہو رہا ہے جب امریکہ کے صدر ڈونلڈ ٹرمپ چین کا دورہ مکمل کر چکے ہیں، جس سے اس ملاقات کی جغرافیائی سیاسی اہمیت مزید بڑھ گئی ہے۔
مذاکرات کے دوران دونوں رہنما عالمی اور علاقائی مسائل پر بھی تبادلہ خیال کریں گے جن میں جاری تنازعات اور معاشی تعاون شامل ہیں۔
کریملن نے بتایا کہ بات چیت کے اختتام پر ایک مشترکہ اعلامیہ بھی جاری کیا جا سکتا ہے جو دونوں ممالک کے قریبی تعلقات کی علامت ہوگا۔
پیوٹن اپنے دورے میں چین کے وزیر اعظم لی چھیانگ سے بھی ملاقات کریں گے جہاں تجارت، توانائی اور اقتصادی تعاون پر بات ہوگی۔
مغربی پابندیوں کے باعث روس کے لیے چین ایک اہم معاشی شراکت دار بن چکا ہے اور یہ دورہ دونوں ممالک کے تعلقات کو مزید مضبوط بنانے میں اہم سمجھا جا رہا ہے۔
