پاکستان کی ابھرتی ہوئی اداکارہ دنانیر مبین نے کہا ہے کہ وہ اپنی زندگی اور کیریئر پر کبھی بھی سمجھوتہ نہیں کریں گی، چاہے معاملہ محبت کا ہی کیوں نہ ہو۔
ایک انٹرویو میں گفتگو کرتے ہوئے انہوں نے واضح کیا کہ وہ کسی شخص کو حاصل کرنے کے لیے اپنے اہداف یا پیشہ ورانہ سفر کو قربان نہیں کریں گی۔ ان کے مطابق اس وقت ان کی پوری توجہ اپنے کام اور کیریئر کی ترقی پر مرکوز ہے۔
دنانیر مبین نے کہا کہ وہ اپنی زندگی کو بہتر انداز میں گزار رہی ہیں اور ان کے لیے سب سے اہم چیز ان کا پروفیشنل کام ہے۔ انہوں نے یہ بھی کہا کہ محبت زندگی کا ایک اہم حصہ ضرور ہے، لیکن وہ اس پر اپنی ترجیحات کو کبھی غالب نہیں آنے دیں گی۔
مداحوں کی جانب سے اداکاروں کو ایک دوسرے کے ساتھ جوڑنے کے رجحان پر بات کرتے ہوئے انہوں نے کہا کہ وہ اس بات کو مثبت انداز میں لیتی ہیں کہ لوگ ڈراموں کو اتنی شدت سے دیکھتے ہیں، تاہم اس صورتحال کا اثر ان کے خاندان پر بھی پڑتا ہے۔
انہوں نے بتایا کہ بعض اوقات اس طرح کی افواہیں ان کے والدین کو پریشان کر دیتی ہیں، جو ان سے سوال کرتے ہیں کہ یہ باتیں کیوں کی جا رہی ہیں۔ ان کے مطابق یہ صورتحال کبھی کبھی مشکل بھی ہو جاتی ہے۔
دنانیر مبین نے آخر میں کہا کہ وہ اپنے کام پر مکمل فوکس رکھنا چاہتی ہیں اور اپنی پیشہ ورانہ ذمہ داریوں کو ہر چیز پر ترجیح دیتی ہیں۔
