پاک بحریہ نے بحیرہ عرب میں مشترکہ انسداد منشیات کارروائی کے دوران تقریباً 750 ملین ڈالر مالیت کی منشیات پکڑ لیں۔ ہفتے کو جاری بیان کے مطابق پاک بحریہ منشیات برآمدگی کی کارروائی میں 2 ہزار 800 کلوگرام سے زائد منشیات ایک مشتبہ کشتی سے برآمد کی گئیں۔
پاک بحریہ کے جہاز پی این ایس حنین اور پی این ایس یرموک نے میری ٹائم سکیورٹی آپریشن کے تحت کارروائی میں حصہ لیا۔ دونوں جہاز معمول کی گشت پر تھے جب انہوں نے بحیرہ عرب میں ایک مشتبہ کشتی کی نشاندہی کی اور اسے روک لیا۔
پاک بحریہ کے اہلکاروں نے کشتی پر سوار ہو کر تلاشی کا عمل شروع کیا۔ ترجمان کے مطابق کارروائی کے دوران کشتی کے خفیہ خانوں سے 2 ہزار 800 کلوگرام سے زائد منشیات برآمد ہوئیں۔
پاک بحریہ کا کہنا ہے کہ کارروائی سمندر میں مسلسل نگرانی اور چوکس رہنے کی عکاسی کرتی ہے۔ بحریہ کے مطابق سمندری سکیورٹی کے اقدامات کا مقصد علاقائی سکیورٹی میں کردار ادا کرنے اور سمندر میں غیر قانونی اسمگلنگ کے خلاف کارروائی جاری رکھنا ہے۔
Pakistan Navy Ships HUNAIN and YARMOOK conducted a joint counter narcotics operation in the Arabian Sea. During routine patrolling, a suspicious boat was intercepted and over 2,800 kg of narcotics, valued at approximately USD 750 million, were seized. 1/2 pic.twitter.com/QSpTwWViRL
— DGPR (Navy) (@dgprPaknavy) September 26, 2026
پاک بحریہ منشیات برآمدگی کے بعد چیف آف نیول اسٹاف ایڈمرل نوید اشرف نے پی این ایس حنین اور پی این ایس یرموک کے افسران اور عملے کو سراہا۔ انہوں نے کارروائی کے دوران پیشہ ورانہ صلاحیت، نگرانی اور ذمہ داری کا مظاہرہ کرنے پر اہلکاروں کی تعریف کی۔
اس سے قبل جون میں پاک بحریہ نے گوادر کے ساحل کے قریب تقریباً دو ٹن منشیات پکڑی تھیں۔ برآمد ہونے والی منشیات میں 1,500 کلوگرام چرس اور 500 کلوگرام آئس شامل تھی، جن کی عالمی مارکیٹ میں مالیت تقریباً 215 ملین ڈالر بتائی گئی تھی۔
گزشتہ سال اکتوبر میں بھی پاک بحریہ نے بحیرہ عرب میں کشتیوں سے 972 ملین ڈالر سے زائد مالیت کی منشیات برآمد کی تھیں۔ تازہ پاک بحریہ منشیات برآمدگی خطے میں بحریہ کی حالیہ انسداد منشیات کارروائیوں میں ایک اور بڑی کارروائی ہے۔
