27 ستمبر کے اسلام آباد مارچ سے قبل راولپنڈی ڈویژن میں 100 سے زائد پی ٹی آئی کارکنان نظر بند کردیئے گئے ہیں۔ پولیس ذرائع کے مطابق تحریک انصاف کی جانب سے اسلام آباد کی طرف مارچ کے اعلان کے بعد یہ کارروائی کی گئی ہے۔
پولیس ذرائع کا کہنا ہے کہ مجموعی طور پر 106 پی ٹی آئی کارکنان کو 30 روز کیلئے نظر بند کیا گیا ہے۔ کارکنان کی نظربندی کے احکامات ڈسٹرکٹ انٹیلیجنس کمیٹی کی سفارش پر جاری ہوئے اور یہ احکامات 3 ایم پی او کے تحت جاری کیے گئے۔
ذرائع کے مطابق نظر بند کیے گئے کارکنان کو اڈیالہ جیل منتقل کردیا گیا ہے۔ یہ کارروائی ایسے وقت میں سامنے آئی ہے جب تحریک انصاف نے 27 ستمبر کو اسلام آباد کی جانب مارچ کا اعلان کر رکھا ہے۔
پولیس ذرائع کے مطابق راولپنڈی ڈویژن میں راولپنڈی سے 31، اٹک سے 35، چکوال سے 23، جہلم سے 13 اور واہ کینٹ سے 4 کارکنان کو نظر بند کیا گیا ہے۔ یوں ڈویژن میں پی ٹی آئی کارکنان نظر بند کیے جانے کی مجموعی تعداد 106 ہوگئی ہے۔
پولیس ذرائع نے نظر بند افراد کو تحریک انصاف کے سرگرم کارکنان قرار دیا ہے۔ ان کارکنان کی نظربندی کی مدت 30 دن مقرر کی گئی ہے جبکہ احکامات ڈسٹرکٹ انٹیلیجنس کمیٹی کی سفارش کی بنیاد پر جاری کیے گئے ہیں۔
خیال رہے کہ پاکستان تحریک انصاف نے 27 ستمبر کو اسلام آباد کی جانب مارچ کا اعلان کیا ہے۔ پارٹی کا کہنا ہے کہ خیبرپختونخوا سے کارکنان اسلام آباد کی طرف جائیں گے، جبکہ دیگر شہروں میں موجود حامی اپنے اپنے علاقوں میں سرگرمیاں کریں گے۔
گزشتہ روز خیبرپختونخوا حکومت کے وزیر اطلاعات شفیع جان نے کہا تھا کہ تحریک انصاف پرامن طریقے سے اسلام آباد کی طرف بڑھے گی اور پوری طاقت کے ساتھ مارچ کرے گی۔ پی ٹی آئی کارکنان نظر بند کیے جانے کی تازہ کارروائی اسی مجوزہ سیاسی سرگرمی سے قبل سامنے آئی ہے۔
