چین نے جدید ٹیکنالوجی کے استعمال میں ایک اور اہم پیش رفت کرتے ہوئے ٹریفک کے نظام کو بہتر بنانے کے لیے اسمارٹ روبوٹس کو میدان میں اتار دیا ہے۔ یہ جدید روبوٹ نہ صرف ٹریفک کی نگرانی کر رہے ہیں بلکہ شہریوں کی رہنمائی اور قوانین پر عمل درآمد میں بھی اہم کردار ادا کر رہے ہیں۔
چینی میڈیا کے مطابق ملک کے مشرقی صوبے ژی جیانگ کے شہر ہانگژو میں اسمارٹ ٹریفک روبوٹس تعینات کیے گئے ہیں۔ ان روبوٹس کا مقصد ٹریفک کے بہاؤ کو منظم بنانا، سڑکوں پر نظم و ضبط قائم رکھنا اور شہریوں کو جدید سہولیات فراہم کرنا ہے۔
جدید مصنوعی ذہانت اور سینسر ٹیکنالوجی سے لیس یہ روبوٹ ٹریفک قوانین کی مسلسل نگرانی کرتے ہیں۔ یہ گاڑی چلانے والوں کو غیر ضروری ہارن بجانے سے روکنے کے ساتھ ساتھ سڑک استعمال کرنے والوں کو اہم ہدایات بھی فراہم کرتے ہیں۔
The future of traffic control is here, and they are ROBOTS! 🤖🚓
Meet China’s FIRST robot traffic police squadron! Making their debut at the famous West Lake in Hangzhou, east China, these 15 smart robots direct traffic and guide tourists. Welcome to the sci-fi era! ✨ What do… pic.twitter.com/6CHeyreT40— Shenzhen Channel (@sz_mediagroup) May 4, 2026
رپورٹ کے مطابق ان روبوٹس کی ایک منفرد خصوصیت یہ بھی ہے کہ وہ امتحانات کے دوران طلبہ کے لیے نیک خواہشات کا اظہار کرتے ہیں۔ اس اقدام کا مقصد طلبہ کے لیے دوستانہ ماحول پیدا کرنا اور شہری خدمات میں جدید ٹیکنالوجی کا مثبت استعمال یقینی بنانا ہے۔
یہ روبوٹ مقامی ٹریفک مینجمنٹ سسٹم کے ساتھ براہ راست منسلک ہیں، جس کی بدولت وہ حقیقی وقت میں ٹریفک کی صورتحال کا جائزہ لے سکتے ہیں۔ نظام سے منسلک ہونے کی وجہ سے یہ روبوٹ مختلف خلاف ورزیوں کی فوری نشاندہی بھی کرتے ہیں۔
حکام کے مطابق اسمارٹ روبوٹ سائیکل سواروں کی جانب سے اسٹاپ لائن عبور کرنے، ہیلمٹ نہ پہننے اور دیگر ٹریفک خلاف ورزیوں کا پتہ لگانے کی صلاحیت رکھتے ہیں۔ اس سے قانون نافذ کرنے والے اداروں کو نگرانی کے عمل میں مزید سہولت حاصل ہو رہی ہے۔
